Абай Бегей қызының қоныс тойына 500 мың теңге берді

Абай Бегей қызының қоныс тойында тағы да жомарттығын көрсетіп, 500 мың теңге тарту етті. Бұл туралы әлеуметтік желіде тарап жатқан бейнематериалдардан белгілі болды, деп хабарлайды ozgeris.info. Осыдан біраз уақыт бұрын әнші қызының жасауына 50 миллион теңге жұмсағаны жайлы жаңалық желіні шарлаған еді. Енді құдаларына деген құрметін тағы бір мәрте дәлелдеп, жаңа үйге көшкен қызын ерекше сыйлықпен қуантты. "Бай мен бай құда болса, жорға жүрер" демекші, Бегей мен оның құдаларының арасындағы алыс-беріс жұртшылықты таңғалдыруда. Көпшілік Абай Бегейдің осындай дәстүрді сақтап, қомақты қаржы жұмсағанын жоғары бағалап отыр. Әлеуметтік желі қолданушылары арасында бұл жайт қызу талқыға түсті. Бірі әншінің жомарттығын мақтаса, енді бірі мұндай сыйлықтарды орынсыз деп санауда.

 

Посмотреть эту публикацию в Instagram

 

Публикация от Алға Қазақстан 🇰🇿 (@algaqazaqstan)