Талғарда 2024 жылдың 15 желтоқсанында өткен жаңа қала әкімін сайлаудың қорытындысы шығарылды. Дауыс беру нәтижесінде бұл қызметті Арыстанбек Әбілқайырұлы атқаратын болды, деп хабарлайды ozgeris.info.
Талғар аудандық аумақтық сайлау комиссиясының мәліметінше, Арыстанбек Әбілқайырұлына 9071 сайлаушы дауыс берген.
"Сайлаушылар тізіміне барлығы 42 774 адам енгізілді, оның 12 875-і дауыс берді. Қала әкімі лауазымына үміткер Жәнібек Кәденов 1 875, Әлібек Рамазанов 1 140 дауыс жинады. 182 сайлаушы барлығына қарсы дауыс берді", — делінген хабарламада.Арыстанбек Әбілқайырұлы 1983 жылы дүниеге келген. "Талғар Тұрғын үй" ЖШС директоры, Талғар қаласының тұрғыны.
