Тағы бір қазақстандық пара дзюдошы алтын медальға таласады

Пара дзюдодан Қазақстан құрамасының өкілі Ерғали Шәмей Париждегі жазғы Паралимпиада ойындарының жартылай финалында жеңіске жетті, деп хабарлайды Ozgeris.info. J1 санаты бойынша 73 келідегі қазақстандық спортшы Ерғали Шәмей жартылай финалдық кездесуде Германия спортшысы Ленарт Сассты 10:1 есебімен жеңіп, финалға шықты. Енді Астана уақыты бойынша 19:00-ден кейін ақтық сында румыниялық спортшы Флорин Александру Бологамен алтын медальді сарапқа салады. Еске салайық, кеше, 5 қыркүйек Париждегі жазғы Паралимпиада ойындарында дзюдодан 48 кг салмақ дәрежесінде J2 санатында Ақмарал Науатбек чемпион атанған еді.