Белгілі айтыскер ақын әрі коуч Айнұр Тұрсынбаева әулетінің аяулы келініне бағалы сый жасап, желі оқырмандарын тәнті етті. Танымал өнер иесі келінінің 26 жасқа толған мерейтойына орай ақ тілегін білдіріп, су жаңа автокөліктің кілтін табыстады. Бұл туралы ол өзінің әлеуметтік желідегі парақшасында сүйіншілеген хабарлайды ozgeris.info сайты.
Ақын келінінің ибалылығы мен тәрбиесіне ризашылығын білдіріп, оны өсірген құда-құдағиына алғыс айтты.
«Бағың бес елі болсын, алтыным! Үбірлі-шүбірлі бол, аяулы ана, сүйікті жар болып бақытты өмір сүр! Ұлым екеуің қол ұстасып бірге жүріңдер!»
деп жазды ол жүрекжарды лебізінде. Сондай-ақ, Айнұр Тұрсынбаева өздерінің келінін өте жақсы көретіндерін және оның әулет үшін орны бөлек екенін атап өтті.
Бұл жаңалық желі қолданушыларының арасында үлкен қызығушылық тудырды. Оқырмандар ақынның кең пейілі мен жомарттығына тәнті болып, жылы пікірлерін жаудыруда. Көпшілік «сіздей ене болу бұйырсын» деген тілектерін қалдырып, Айнұр Тұрсынбаеваның бұл әрекетін нағыз ақжарқын ене мен келін арасындағы сыйластықтың үлгісі деп бағалап жатыр.
Жылтыр мұқабалы басылымдар мен ақпараттық порталдар бұл тосынсыйды «нағыз жомарттықтың көрінісі» деп сипаттауда. Әрдайым айналасына шуақ шашып, жақсылық жасауға асығатын ақынның бұл қадамы тағы да көптің ықыласына бөленді.
