Спорт

"Қазақстанға келгісі келмейді": Данияр Елеусінов қарсылас таппай жүргенін айтты

"Қазақстанға келгісі келмейді": Данияр Елеусінов қарсылас таппай жүргенін айтты

06.01.2025

424

Бөлісу
Қазақстандық боксшы Данияр Елеусінов 28 ақпанда Астанада өтетін жекпе-жегіне әлі қарсылас табылмағанын айтты. Бұл туралы ozgeris.info тілшісі Sportnews.kz сайтына сілтеме жасап хабарлайды.
"Қарсыласым әзірге белгісіз. Бірнеше боксшы бас тартты. Мүмкін олар жекпе-жек үшін Қазақстанға келгісі келмейтін шығар. Негізінде, бұл жекпе-жек тартысқа толы және халық үшін қызық болар еді, бірақ олар бас тартты. Енді кім келісетінін күтеміз. Биыл үш жекпе-жек өткізгім келеді", - деді Елеусінов.
Айта кетейік, Данияр Елеусінов соңғы рет рингке 2024 жылы қыркүйекте шығып, Алматыдағы бокс кешінде жұдырықтасқан еді. Ол филиппиндік Джо Нойнайды мерзімінен бұрын 5-раундта ұтып, WBC Peace чемпоны атағын иеленді. Осылайша, кәсіпқой бокстағы 12-жеңісіне қол жеткізген болатын. 33 жастағы Данияр Елеусінов – әуесқой бокстан Олимпиада чемпионы, әлем біріншілігінің жеңімпазы, Азия чемпионатының, Азия ойындарының екі дүркін алтын медаль иегері.
Барлық жаңалық