Астана мемлекеттік мүлік және жекешелендіру департаменті мемлекеттік нөмірі 777KPK01 қара түсті Mercedes-Benz S450 автокөлігінің сатуға шығарылғанын жария етті, деп хабарлайды Ozgeris.info сайты.
777KPK01 нөмірлі қара түсті Mercedes-Benz S450 автокөлігінің бағасына Pandora сигнализациясы бар кілт кіреді. Автокөліктің аккумуляторы разрядталған, алайда техникалық жағдайын тексеру мүмкін емес. Көлік 79 415 000 теңгеге бағаланып отыр.
Сатылым 7 сәуірде сағат 10:00-де басталады.
Қазір автокөлікті тек мемлекеттік мекеме немесе мемлекеттік кәсіпорын ретінде тіркелген заңды тұлғалар ғана сатып ала алады.
Олардың қатарында әлеуметтік қызмет субъектілері бар:
- Жетім және ата-ана қамқорлығынсыз қалған балаларға арналған білім беру ұйымдары;
- Балабақша мен орта білім мекемелері;
- Уақытша орналастыру орындары;
- Медико-әлеуметтік мекемелер.
Егер көлік сатылмаса, лот барлық қызығушылық танытқан адамдарға сатылымға шығарылады.
