Жаңалықтар

Перизат Қайрат мүгедек балаларды пайдаланып қайырымдылық аукционын ұйымдастырған (ВИДЕО)

Перизат Қайрат мүгедек балаларды пайдаланып қайырымдылық аукционын ұйымдастырған (ВИДЕО)

21.02.2025

312

Бөлісу
23 қаңтарда Перизат Қайратқа қатысты мүгедек балаларға арналған оңалту орталығын салуға ақша жинау бойынша жаңа іс тіркелген, - деп хабарлайды ozgeris.info сайты. ҚМА мәліметінше, Перизат Қайрат 2021 жылы қарашада Ақмола облысында "Батыр" қоғамдық бірлестігіне оңалту орталығын салу үшін ақша жинау мақсатында қайырымдылық аукционын ұйымдастырған.
"Жұрттың сенімін арттыру үшін мұқтаж мүгедек балалар мен олардың ата-аналарын іс-шараға тартқан. Перизат Қайрат тарапынан таратылған жалған деректер бойынша 48 миллион теңге жиналып, құны 100 миллион теңгеге ғимарат сыйға тартылған. Алайда аукцион кезінде шын мәнінде 22 миллион теңге түскен, осы ақшаны ол өзінің жеке қажетіне жаратқан", - деп жазылған хабарламада.
Агенттік мәліметіне сүйенсек, Перизат Қайрат "Батыр" қоғамдық бірлестігі үшін құны 30 миллион теңге жер телімін сатып алғанын мәлімдеген, алайда бұл жер телімін 2019 жылы бірлестік өзі сатып алған. Оңалту орталығының құрылысы әлі басталмаған қалпында тұр. Орталықтың қажеттілігіне берілді деген ғимарат мүлдем жоқ болып шыққан. Сотал тергеу жалғасып жатыр.
Барлық жаңалық