🌐 Әлем

Пәкістан Үндістанға қарсы ауқымды әскери операция бастады

Пәкістан Үндістанға қарсы ауқымды әскери операция бастады

10.05.2025

1016

Бөлісу
Пәкістан Қарулы Күштері Үндістанға қарсы кең ауқымды әскери операция жүргізіп жатыр, деп хабарлайды ozgeris.info сайты  Tengrinews.kz порталына сілтемемен. Geo TV арнасының мәліметінше, операция бірнеше үнді әскери нысандарына бағытталған. Пәкістанның Сыртқы істер министрі Исхақ Дардың айтуынша, Исламабад үш күн бойы үнді тарапынан болған агрессияға жауап бермей, шиеленісті ушықтырмауға тырысқан.
“Біз сабыр сақтадық, алайда Үндістан шектен шығып, біздің жауап беруімізге себеп болды”, – деді министр. Оның айтуынша, Үндістан бірнеше рет Пәкістанды шабуыл жасады деп айыптағанымен, бұл – Пәкістан тарапынан алғашқы әскери әрекет.
Дардың пікірінше, Үндістан халықаралық қауымдастыққа Пәкістанды агрессор етіп көрсеткісі келген, бірақ бұл әрекеттер сәтсіз аяқталды. Сонымен қатар, ол Пәкістанның достас елдердің сабырлыққа шақырған үндеулерін бағалайтынын жеткізді. БАҚ деректері бойынша, Пәкістан әскері Үндістандағы Адампур және Удхампур авиабазаларына соққы жасаған. Сонымен қатар, кибершабуыл нәтижесінде Үндістанның электр жүйесінің 70 пайызы істен шыққаны хабарланды.
Барлық жаңалық