Қоғам

«Өлекселер қатты ыдырап, шіріп кеткен»: Министрлік итбалықтардың қырылуына қатысты пікір білдірді

«Өлекселер қатты ыдырап, шіріп кеткен»: Министрлік итбалықтардың қырылуына қатысты пікір білдірді

30.10.2024

272

Бөлісу
Қазір министрлік тиісті зертханалық зерттеудердің нәтижесін күтіп отыр. Қажетті сынамалар алынды, деп жазады inbusiness.kz сайты. "Итбалықтар мәселесі Экология және табиғи ресурстар министрлігінің, оның ішінде Маңғыстау облысы Экология департаментінің жіті бақылауында. Итбалықтардың қырылуы туралы ақпарат расталды. Аймақтық комиссия құрылды. Қазір зерханалық бақылау қызметкерлері қоршаған орта жай-күйін анықтау үшін су сынамаларын алды", – деді экология және табиғи ресурстар вице-министрі Жомарт Әлиев. Оның айтуынша, мал дәрігерлері мен балық ресурстары комитетінің өкілдері де жұмысқа тартылды, яғни бұл мәселе кешенді түрде зерттеліп жатыр. Сынамалар толық зерттеуден өткен соң оның нәтижелеріне қарай шара қабылданады. "Әзірге нақты бір себебін айту қиын. Итбалықтардың кейбірі балыққа арналған ауға түсіп мерт болған деген сияқты болжамдар бар, яғни адамдардың қатысы бар болуы мүмкін. Алайда өлекселердің көбі қатты ыдырап, шіріп кеткен", – деді вице-министр. 
Барлық жаңалық