Желіде кең тараған видеода Magnum сауда желісіндегі күріш қаптамасының ішінен тірі құрттардың жыбырлап жүргені көрсетілген. Бұл туралы ozgeris.info сайты.
TikTok-та Жарқын Дариға есімді қолданушы жариялаған бейнежазбада «Айдони» маркалы күріштің мөлдір қаптамасының ішінде ұсақ құрттардың қозғалып жатқаны анық көрінеді.
«Magnum-ға бірінші рет келіп тұрмын — міне, көргенім осы. Қараңыздаршы, олар шынымен қимылдап жатыр. Қатты қорқып кеттім», — дейді видео авторы.
Сондай-ақ ол бұл өнімді шығаратын компания балалар тағамдарын да өндіретінін айтып, алаңдаушылық білдірген.
«Олар балалар ботқасын да шығарады екен!» — деп пікір білдірді автор.
Видео әлеуметтік желіде резонанс тудырып, қолданушылар дүкен әкімшілігінен ресми түсініктеме беруді және жағдайға байланысты жедел тексеріс жүргізуді талап етуде.
