Алматыдағы тергеу изоляторында Әкімшілік құқықбұзушылықтар жөніндегі мамандандырылған ауданаралық соттың судьясы Дастан Слямкулов қайтыс болды, деп хабарлайды ozgeris.info сайты Stan.kz сайтына сілтемемен.
Журналист Михаил Козачковтың мәліметінше, Слямкулов 2024 жылдың қазан айында пара алу және алаяқтық дерегі бойынша қамауға алынған.
Ақпарат көздеріне сүйенсек, оқиға түскі астан кейін болған. Әкесі қоғамдық қорғаушысы онымен кездесуге келген сәтте, судьяны конвой бөлмеге жеткізіліп жатқан. Сол кезде оның жағдайы кенеттен нашарлап кеткен. Кезекші қызметкерлер алғашқы медициналық көмек көрсетіп, дәрігерлерді шақырғанымен, жедел жәрдем келгенде судьяның көз жұмғаны анықталды. Алдын ала себеп – жүректің тоқтауы.
ҚАЖ комитетінің баспасөз қызметі бұл деректі растады, бірақ марқұмның аты-жөнін нақты атамады.
“Алдын ала өлім себебі – жедел жүрек жеткіліксіздігі. Факт бейнебақылау камерасына тіркелді. Қазіргі уақытта арнайы тексеріс жүргізілуде”, – деп хабарлады.
