Жетісу облысында «Отбасы банк» пен облыс әкімдігі бірлесіп жаңа «Маман» ипотекалық бағдарламасын іске қосты. Жобаға 1 млрд теңге бөлінді деп хабарлайды ozgeris.info сайты liter.kz сайтына сілтеме жасап.
Бағдарлама шарттары: бастапқы жарна – 10%, мөлшерлеме – 5%, ең жоғарғы сома – 20 млн теңге.
Қатысушылар қатарына журналистер, медицина және білім беру саласының қызметкерлері, мәдениет пен спорт мамандары, энергетика, туризм, «Азаматтарға арналған үкімет» және саяси партия филиалдарының қызметкерлері кіреді.
Негізгі талаптар: Жетісуда кемінде 3 жыл тұрақты тіркеу, өңірде 1 жыл еңбек өтілі және соңғы 5 жылда тұрғын үйдің болмауы.
Өтініштер 2025 жылғы 25 тамыз – 5 қыркүйек аралығында тұрғын үй-коммуналдық шаруашылық бөлімдерінде қабылданады.
Іріктеу балдық жүйе бойынша жүргізіледі, мұнда жас мөлшері, неке мен балалар саны ескеріледі.
