Жаңалықтар

Жаттықтырушы жан тапсырды: Павлодарда оқушылар мінген автобус аударылып қалған

Жаттықтырушы жан тапсырды: Павлодарда оқушылар мінген автобус аударылып қалған

19.04.2025

45

Бөлісу
18 сәуірде Астана-Ерейментау-Шідерті тас жолында салонында 16 жасөспірім мен олардың жаттықтырушысы бар шағын автобус жол апатына ұшырады. Жаттықтырушы оқиға орнында қаза тапты, деп хабарлайды ozgeris.info сайты. Ақмола облыстың полиция департаментінің мәліметінше, автобус Mercedes көлігіне соқтығысқан.
"Көлік жүргізушісі жүк көлігін басып озу кезінде оның аударылып кетуіне себеп болған. Шағын автобуста 14 пен 16 жас аралығындағы 16 бала мен бір жаттықтырушы болған. Апат салдарынан жаттықтырушы оқиға орнында көз жұмды", – делінген хабарламада.
Жасөспірімдер Павлодардан Астанаға спорттық жарысқа бара жатқан. Балалар медициналық мекемеге жеткізіліп, дәрігерлердің бақылауына алынды. Қылмыстық іс қозғалып, тергеу амалдары жүріп жатыр. Облыстық полиция департаментінің хабарлауынша, сапарды ұйымдастырған жекеменшік спорт мектебінің басшылығы полицияға хабар бермеген, сондықтан патрульдік қызмет көрсетілмеген. Бұл оқиғаға байланысты тергеу басталды.
Барлық жаңалық