International Boxing Federation қазақстандық боксшы Жәнібек Әлімханұлыны орта салмақтағы әлем чемпионы титулынан айырды деп хабарлайды ozgeris.info сайты.
Федерация мәліметінше, бұл шешім ұйымның ережелеріне сәйкес қабылданған. Атап айтқанда, IBF-тің 18-ережесінде допингке қарсы талаптарды бұзғаны үшін ұлттық немесе халықаралық спорт органдары тарапынан шеттетілген боксшылар бір жыл бойы IBF рейтингтеріне енгізілмейтіні және федерация санкциялаған жекпе-жектерге қатыса алмайтыны көрсетілген.
Сонымен қатар, Әлімханұлы орта салмақтағы IBF чемпионы атағын 2026 жылғы 4 шілдеден кешіктірмей міндетті түрде қорғауы тиіс болған. Ал федерация боксшыға міндетті жекпе-жек туралы 4 мамырға дейін ресми түрде хабарлауы керек еді.
