Танымал продюсер, әнші Қайрат Нұртастың анасы Гүлзира Айдарбекова Алматы әуежайындағы полиция қызметкерлеріне арнайы алғыс білдірді, деп хабарлайды Ozgeris.info.
Оқиға 2026 жылғы 21 қыркүйекте болған. Мәліметке сәйкес, продюсер әуежайда өзінің құнды заттарын жоғалтып алған. Алматы әуежайындағы көліктегі полиция бөлімінің қызметкерлері жоғалған заттарды жедел іздестіріп, иесіне қайтарған.
Гүлзира Айдарбекова әсіресе полиция сержанты Н. Нұрматовқа құнды заттарын қысқа уақыт ішінде тауып бергені үшін ризашылығын жеткізген.
Продюсер тәртіп сақшыларының жедел әрекеті мен қызметіне алғыс айтып, олардың жұмысына жоғары баға берген.
