2025 жылғы 19 шілде күні түнде eGov.kz порталы мен бірнеше мемлекеттік жүйелер уақытша жұмысын тоқтатады. «Ұлттық ақпараттық технологиялар» АҚ бұл күні жоспарлы техникалық жұмыстар жүргізілетінін хабарлады, деп жазады Ozgeris.info.
Жөндеу жұмыстары 02:00-ден 08:00-ге дейін жалғасады. Уақыт арнайы азаматтардың онлайн белсенділігі төмен кезеңіне сәйкес таңдалған, сондықтан келтірілетін қолайсыздық аз болуы тиіс.
Осы аралықта уақытша қолжетімсіз болатын сервистер:
• eGov.kz пен eGov mobile (оның ішінде «Цифрлық құжаттар» бөлімі);
• e-Otinish және E-license порталдары, «Ашық үкімет» платформасы;
• Ұлттық куәландырушы орталықтың (НУЦ РК) қызметтері;
• «ҰАТ» АҚ-ның басқа да жобалары;
• Электрондық үкімет шлюзі арқылы жұмыс істейтін банктер мен өзге жүйелердің мемлекеттік қызмет көрсету құралдары.
Мамандар техникалық жұмыстар кезінде қажет болуы мүмкін құжаттарды алдын ала жүктеп алуға, ал маңызды істерді ертерек тындырып қоюға кеңес береді.
