Қазақстанда доллар бағамы төмендеді. 5 наурыз күні Қазақстан қор биржасындағы (KASE) күндізгі сауда қорытындысы бойынша доллардың орташа бағамы 493,36 теңгені құрады. Бұл алдыңғы көрсеткіштен 6,13 теңгеге төмен деп хабарлайды ozgeris.info сайты.
Ұлттық банктің ресми мәліметінше, 5 наурызға белгіленген ресми доллар бағамы – 499,83 теңге.
Ал айырбастау пункттеріндегі жағдайға келсек, Алматы мен Астана қалаларында доллардың орташа бағамы мынадай:
Алматыда
💵 сатып алу – 491,75 теңге
💵 сату – 494,66 теңгеАстанада
💵 сатып алу – 491,01 теңге
💵 сату – 498,01 теңге
Ұлттық банк бұған дейін теңге бағамының өзгеруіне қатысты түсініктеме берген болатын. Ақпан айының қорытындысы бойынша теңге 0,7%-ға нығайып, доллар бағамы 497,69 теңге деңгейінде қалыптасты.
Сонымен қатар Ұлттық банк базалық мөлшерлемені 18% деңгейінде сақтап отыр. Бұл инфляцияны тежеу және бағаның өсуін баяулату мақсатында қабылданған шешім.
