Белгілі қазақ журналисі мезгілсіз дүниеден өтті

Танымал журналист Индира Жылқайдарова өмірден өтті, деп хабарлайды Ozgeris.info сайты. 

Бұл туралы марқұмның әріптесі Жігер Сәрсен мәлімдеді. 

"Индира әріптесімізден айырылып қалдық. Қаралы хабарды естіп, төбемізден жай түскендей болып отырмыз. Соңғы төрт жыл ақтық демі қалғанша ауыр дертпен арпалысты. Бәрін жеңіп, қатарға қосыламын деген қайсарлығы, алға жетелеген алғырлығы ақыры сұм ажалға жол берді. Арманы асқақ, алары көп еді, амал не? Аллам алдыңнан жарылқап, рақымына бөлесін", деп жазды ол.