Астанада автотұрақта тұрған бес көлік өртеніп кетті

Астанада автотұрақта тұрған бес жеңіл көлік түгелдей өртеніп кетті, деп хабарлайды Ozgeris.info. 

Оқиға Сарайшық ауданында Ахмет Байтұрсынұлы көшесіндегі тұрғын үй кешенінің жанындағы автотұрақта болған. Құтқарушылар оқиға орнына 7 минут ішінде жеткен. Олар келген кезде көліктер ашық жалынмен жанып жатқан. Қатты желдің салдарынан өрт бір-біріне жақын тұрған көліктерге тез тараған.

Өрт сөндірушілер жалынды жедел сөндірді. Қазір өрттің шығу себебі анықталып жатыр.