Қазақстанның Төтенше жағдайлар министрлігі Tesla Cybertruck автокөлігін сатып алуға 127,45 млн теңге жұмсады. Бұл туралы мемлекеттік сатып алулар порталында жарияланған деректерде көрсетілген деп хабарлайды Оzgeris.info.
Құжатқа сәйкес, тапсырыс беруші – Қазақстан Республикасы Төтенше жағдайлар министрлігінің Алматы қаласы бойынша департаменті. Лот сипаттамасында тауар атауы «Автомобиль», саны – 1 дана, ал жоспарланған сома 127 449 995,97 теңге деп көрсетілген.
Мемлекеттік сатып алу порталының мәліметінше, аталған келісімшарт 2025 жылдың 21 қазанында жасалған. Сатып алынған көлік – америкалық Tesla компаниясының Cybertruck моделі.
