Бүгін Әділетханға қатысты сот үкімі шығуы тиіс еді. Бірақ бұл процесс жоспарланған уақытта аяқталмады. Мемлекеттік айыптаушы сот залында мүлдем жаңа айыптау актісін оқыды. Осылайша күдіктіге тағылған айып Қылмыстық кодекстің 274-бабының 3-бөлігіне ауыстырылды, деп хабарлайды ozgeris.info сайты.
Бұл жаңалықты танымал журналист әрі тележүргізуші Руслан Өтепбай оқиға орнынан тікелей хабарлады. Кешегі отырыста істі ауырлататын 54-бап қарастырылған болатын. Бүгін ол бап толықтай алынып тасталды. Дегенмен жаңа өзгеріс күдіктінің жағдайын одан сайын ушықтырып жіберді. Енді прокурор бұрынғыдай үш жыл емес бірден бес жыл жаза сұрауы әбден мүмкін.
Қылмыстық кодекстің аталған үшінші бөлігінде қатаң жаза қарастырылған. Айыпталушы бес жылға дейін бас бостандығынан айырылуы немесе оны шектеу жазасын алуы ықтимал. Тілші процесте зардап шеккендердің бар екеніне назар аударды. Дәліз бойында құқық қорғау органдарының қызметкерлері қаз-қатар тізіліп тұр. Ал Әділетханның өзі камера алдында тек шындықты айтып мойындағанын жеткізді.
Осы аталған жағдайларға байланысты бүгінгі отырыста нақты шешім қабылданған жоқ. Істі қарау уақытша тоқтатылды. Кезекті сот отырысы тоғызыншы шілдеге белгіленді.
