2 мамыр күні кешке Атырау облысындағы Құлсары қаласының су тасқынынан зардап шеккен тұрғындары қаланың орталық алаңына жиналып, су астында қалған баспаналарына келтірілген шығынды өтеуді талап етті. Бұл туралы Азаттық радиосы хабарлайды. Алдын ала мәлімет бойынша, 100-ге жуық адам жиналып, түнгі бірге дейін шықпаған.
Тұрғындар тұрғын үйге келтірілген шығынды жеке өзі немесе жеке шотына шаршы метрі үшін 400 мың теңгеден өтеу туралы талап қойды. Олар талаптары орындалмайынша алаңнан кетпейтіндерін мәлімдеді. Полиция сырттан бақылап отырды.
«Біз бұдан былай күте алмаймыз!» – деп өз нарашлықтарын білдіруде. Сондай-ақ олар тек президент Тоқаевқа хабарласатындарын айтты. Олар тікелей эфирде үндеу жасап, өз дауыстарын жеткізу үшін алаңға бейбіт түрде жиналғандарын атап өтті.