Қазақстанда жаңа мемлекеттік құрылым — бір палаталы Құрылтай сайлауының қай айда өтетіні нақтыланды. Мемлекет басшысы Қасым-Жомарт Тоқаев бұл маңызды науқанның биылғы жылдың тамыз айына жоспарланғанын ресми түрде мәлімдеді деп хабарлайды ozgeris.info сайты.
Президенттің айтуынша, Конституция күшіне енген сәттен бастап Құрылтай сайлауын өткізу туралы тиісті Жарлыққа қол қойылмақ. Бұл қадам еліміздің бүкіл саяси жүйесін жаппай «қайта құруға» жол ашатын стратегиялық шешім болмақ.
Мемлекет басшысы сайлау мерзімін алдын ала жариялауының себебін де ашып айтты. Бұл шешім еліміздегі саяси партиялардың сайлау науқанына сақадай сай болуына бағытталған.
«Мұны әдейі ерте айтып отырмын. Өйткені партиялардың жоспарларын айқындап, сайлау науқанына дайындық жүргізуіне жеткілікті уақыты болуы керек. Осылайша, партиялардың сайлаушылармен тиісті жұмыс жүргізуіне бес айға жуық уақыт беріледі», — деп атап өтті Қасым-Жомарт Тоқаев.
Осылайша, саяси ұйымдарға өз бағдарламаларын әзірлеп, халықпен тығыз байланыс орнату үшін жарты жылға жуық уақыт берілмек. Бұл Қазақстанның демократиялық бағыттағы дамуының жаңа белесі ретінде бағалануда.
