Кәрім Мәсімовтің үйі тағы да иесіз қалды

Қазақстанға опасыздық жасады деп сотталған Кәрім Мәсімовтің үйі аукционда тағы да сатылмай қалды. Бұған электрондық сауда алаңы сайтындағы деректер дәлел, деп хабарлайды ozgeris.info сайты. Қайталама аукцион 28 наурыз күні сағат 10:00-де өтті. Алайда аукционға бірде-бір қатысушы тіркелмеген немесе  ешқайсысы бастапқы бағаны растамаған. Лоттың бастапқы бағасы өзгермеген, яғни 1,8 миллиард теңге, кепілдік жарна – 117,9 миллион теңге. Алғашқы аукцион да сәтсіз аяқталды. Аукцион алдында кәсіпкер Мұхтар Жәкішев Кәрім Мәсімовтің үйін сатып алды деген ақпарат тараған еді. Кәсіпкер аукционның бастапқы шарттарына қарамастан мүлікті сатып алу туралы келісімге келгені айтылды Қайтарылған активтерді басқаратын компания бұл ақпаратты жоққа шығарды. Жәкішевтің өзі мұндай жоспары жоғын айтты.