Балқашта вагон жөндеушінің аяғы рельс арасында қалып қойып, қашып үлгере алмай қалған. Жұмысшының екі аяғын да пойыз басып кеткен, деп хабарлайды “ozgeris.info” порталы Patriotnews.kz сайтына сілтеп.
Пойыз машинисі сағат 23.45 шамасында рельсте ер адамды көріп, шұғыл тежеуді қолданғанын, бірақ бұл апаттың алдын ала алмағанын айтқан.
«Ер адам Балқаш қаласының орталық қалалық ауруханасына жеткізілді. Пойыздың басып кетуінің мән-жайы сотқа дейінгі тергеу барысында анықталады», — дейді Балқаш стансасы желілік полиция бөлімінің бастығы Темірлан Машрапов.
”ozgeris.info” порталы