Сыбайлас жемқорлыққа қарсы қызмет экс-министр Марат Бекетаевтың ұсталғанын растады.
Бұрынғы әділет министрі Марат Бекетаев лауазымдық өкілеттіктерін асыра пайдаланды деген күдік бойынша ұсталған. Антикоррупциялық қызмет мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде заңсыздықтарды анықтаған.
Қазіргі уақытта күдікті соттың санкциясымен қамауға алынды.
«Ол талап етілмейтін қызметтерді көрсетуге жыл сайынғы келісімшарттар жасау арқылы үлестес компанияның мүдделерін қолдады. Бұл әрекет мемлекетке үлкен зиян келтірді”, – деп хабарлады агенттіктің ресми өкілі Арман Тлеукенов.
Тергеу мүддесі үшін басқа ақпарат жария етілмеді.