Трамп кісі өлтірушілер мен зорлаушылар үшін өлім жазасына кесілетінін айтты, деп хабарлайды Ozgeris.info.
Бұл туралы Трамптың Thruth Social әлеуметтік желісіндегі парақшасында жарияланды.
«Қызметке кіріскеннен кейін мен Әділет министрлігіне американдық отбасылар мен балаларды қатыгез зорлық-зомбылардан, кісі өлтіргіштер мен монстрлардан қорғау үшін өлім жазасына батыл ұмтылуды тапсырамын. Біз тағы да заң мен тәртіп еліне айналамыз!» — деп жазды Трамп.
Айта кетейік, жақында Байден өлім жазасына кесілген 37 қылмыскерге кешірім жасады, олар өмір бойы жазасын өтейді. Трамп бұл шешімді сынға алды.