Украина мен Ресей Түркияда үш күндік келіссөздер раундын өткізуге келісті. Ол 28-30 наурыз күндері өтеді. Бұл туралы делегацияның мүшесі, Украина Жоғарғы Радасындағы «Слуга народа» фракциясының жетекшісі Давид Арахамия айтты, — деп хабарлайды “ozgeris.info” порталы.
Арахамияның айтуынша, шешім 27 наурызда қабылданған.
«Видео түрінде өткен кезекті келіссөздер кезінде келесі раундты бетпе-бет 28-30 наурызда Түркияда өткізу туралы шешім қабылдадық», — деп жазды Арахамия Facebook-парақшасында.
Ресей Федерациясынан келген келіссөздер тобының жетекшісі Владимир Мединский жаңа раунд 29-30 наурызда өтетінін растады.
14 наурызда Украина мен Ресей делегациялары арасындағы келіссөздердің төртінші раунды өтті.
“ozgeris.info” порталы