Екі ел инспекциялық, карантиндік және ветеринарлық-санитарлық талаптар туралы хаттамаға қол қойды, деп хабарлайды ozgeris.info.
Қазақстан мен Қытай ірі қара мал терісінің экспортын бастау туралы келісті, деп хабарлайды ҚР Ауыл шаруашылығы министрлігінің баспасөз қызметі.
Қазақстан Премьер-Министрі Олжас Бектеновтің Шанхайға сапары барысында Қазақстанның Ауыл шаруашылығы министрлігі мен Қытайдың Бас кеден басқармасы арасында келісімге қол қойылды.
«Бұл хаттама үш жылдық екіжақты келіссөздердің нәтижесі, елдер арасындағы экономикалық байланыстарды нығайтудағы маңызды қадам болды. Құжат елдің экспорттық әлеуетін, отандық өнімнің халықаралық нарықтағы бәсекеге қабілеттілігін арттыруға ықпал ететін болады»,-делінген хабарламада.
Ірі қара малдың терісі қазақстандық ауыл шаруашылығы өнімінің 11-ші түріне айналды, оның Қытайға экспорты осындай келісімдермен реттеледі. Бұған дейін ҚХР-ға мұздатылған сиыр еті, қой еті, шошқа еті, бал, балық, сүт өнімдері, жүн шикізаты, асыл тұқымды және сойылған жылқылар, сондай-ақ сойылған ірі қара мал экспортына хаттамаларға қол қойылған болатын.
Құс шаруашылығы өнімдерін, қосымша өнімдерді, құрғақ бие сүтін қоса алғанда, ҚХР нарығына экспортты одан әрі кеңейту жоспарланып отыр.
Ақпарат informburo.kz сайтынан алынған.