Өнеркәсіп және құрылыс министрлігі жабық паркингтерде электромобильдерге арналған зарядтау құрылғыларын орналастыру нормативтерін бекітті.
Автомобиль тұрақтарында тұрақ орындарын орналастырған кезде автомобиль тұрақтарын жобалау жөніндегі мемлекеттік нормативтерге сәйкес зарядтау құрылғыларымен жабдықталған электромобильдерді сақтауға арналған орындар көзделуі тиіс. Электр көліктерінің зарядтау құрылғыларын тек зауытта дайындалған, кемінде IP 54 электр желісін қорғау дәрежесі бар, қорғаныш ажыратқыш құрылғысы бар (оның ішінде өртке қарсы қорғау жүйелерінің іске қосылғаны туралы сигнал алған кезде) қолдануға рұқсат етіледі.
Электрокарларға арналған зарядтаулар сондай-ақ АЖҚС, АГҚС, ТҚС, тұрақтарда, жол бойындағы сервис объектілерінде орналастырылуы мүмкін.
АЖҚС мен АГҚС-да электромобильдер мен гибридті автомобильдер үшін жылдам және өте жылдам зарядтау станцияларын орнату ұсынылды.