Өңірде қазіргі күні 190 мыңға жуық көлік тіркелген. 9 мың көлік иесі салық берешектерін төлемей отыр.
Бұл туралы облыстық мемлекеттік кірістер департаменті хабарлады.
«9 мың автокөлік иесінің салық бойынша 650 млн теңгеге жуық қарызы бар. 1 сәуірде 2023 жылға салық төлеудің жаңа мерзімі басталады. Салықты уақтылы төлемеген адамдарға 2 сәуірден бастап салық берешегі туралы хабарламалар жіберілетін болады, сондай-ақ мерзімі өткен әрбір күн үшін өсімпұл есептеледі. Көлік құралдарына салынатын салықтың есептелген сомалары бойынша Puch-хабарламалар Kaspi және Halyk банктерінің мобильді қосымшаларын пайдаланушыларға жіберілді, олар оны бірден төлей алады», — деп мәлімдеді департаменттен.
Көлік құралдарын тіркеу саласындағы уәкілетті органның деректері бойынша өңірде 130 мыңнан астам автокөлік иесі бар, олардың меншігінде 190 мыңға жуық көлік тіркелген.
Фото: Бас көлік прокуратурасы