Қазақстандық жартылай қорғаушы, “Бешікташ” клубының ойыншысы Бахтиёр Зайнутдиновтың ауыр жарақат алғаны жөнінде ақпарат тарады деп хабарлайды ozgeris.info сайты penalty.kz сайтына сілтемемен.
Fotospor мәліметіне сәйкес, футболшының жағдайы өте қиын. Дәрігерлер оған жүгіруге тыйым салған, себебі бұл жарақат алған сіңірдің ісінуіне әкелуі мүмкін. Қазіргі таңда Зайнутдинов жаттығу процесінен толық шеттетілген. Оның емделу жолдары мен қалпына келу мерзімі әлі нақтыланбаған.
2024/25 маусымында Бахтиёр “Бешікташ” құрамында бар болғаны 12 ойынға қатысып, бір нәтижелі пас берген. Соңғы рет ол қаңтар айында алаңға шыққан болатын.
Аталған жағдайға байланысты оның маусым соңына дейін қайта ойнауы екіталай. “Бешікташ” пен Қазақстан құрамасының жанкүйерлері Зайнутдиновтың тезірек сауығуын тілеп отыр. Дегенмен дәрігерлер мен клубтың қабылдайтын шешімдері оның болашақ мансабына әсер етуі мүмкін.