Руслан Берденов есін жиды

Tengrinews.kz

Шымкент қаласы әкімінің орынбасары Руслан Берденов есін жиды деп хабарлайды Ozgeris.info порталы Tengrinews.kz порталына сілтеме жасай отырып.

Бұл туралы Tengrinews.kz тілшісіне қалалық денсаулық сақтау басқармасының баспасөз қызметі хабарлады.

«Қазір ол есін жиды, сөйлей алады. Жағдайы да тұрақты ауыр деп бағалануда», – деп мәлімдеді баспасөз қызметі.

Еске сала кетейік, бұған дейін дәрігерлер Шымкент қаласы әкімінің орынбасарына ота жасаған болатын. Қазір оның өміріне қауіп жоқ.

Отадан кейін қойылған диагноз: оң жақ кеуде қуысына өткен оқ жарақаты, оң жақ өкпенің төменгі бөлігінің, қабырға аралық артериялардың және көкеттің көп жерден зақымдануы, сондай-ақ оң жақ гемопневмоторакс.