Алматыда жасөспірім әлеуметтік желідегі хайп үшін көшеде кетіп бара жатқан қарияны тектен-текке соққыға жыққан.
Әлеуметтік желіде тараған видеодан екеуінің сөйлесіп тұрғанын көруге болады. Кейін жасөспірім қарияның бетіне жұдырықпен бірнеше рет соққы жасап, жерге құлатқан.
Алматы қаласының полиция департаменті бұл дерек Қылмыстық кодекстің 293-бабы («Бұзақылық») бойынша тіркелгенін мәлімдеді.
Бұл қылмысты жасады деген күдікпен 2007 жылы туған азамат ұсталды. Оқиғаның мән-жайы анықталып жатыр. Тиісті сараптама тағайындалды, – деді полиция өкілдері.