Қазақстанның Қорғаныс министрі Руслан Жақсылықов Ұжымдық қауіпсіздік туралы шарт ұйымы Қорғаныс министрлері кеңесінің отырысына қатысу үшін Алматыға келген ресейлік әріптесі Андрей Белоусовпен кездесті.
Генерал-полковник Руслан Жақсылықов Андрей Белоусовты Қазақстанға қорғаныс министрі лауазымына алғашқы сапары тағайындалуымен құттықтады.
«Тараптар екі жақты әскери ынтымақтастықтың өзекті аспектілерін талқылап, Ұжымдық қауіпсіздік туралы шарт ұйымы шеңберіндегі оқу-жаттығуларды қоса алғанда, кадрлар даярлау және бірлескен іс-шаралар өткізу мәселелерін қозғады. Сондай-ақ өңірлік ұйымдар аясындағы өзара іс-қимыл туралы әңгіме болды: 2024 жылы Қазақстан ҰҚШҰ мен ШЫҰ-ға, ал Ресей ТМД-ға төрағалық етеді. Тараптар мемлекетаралық бірлестіктердегі ынтымақтастық өңірлік қауіпсіздікті нығайтуға ықпал ететінін атап өтті. Оны іс жүзінде іске асыру көпжақты оқу-жаттығулар шеңберінде де жүзеге асырылады. «, — делінген ҚР Қорғаныс министрлігінің баспасөз қызметінің хабарламасында.
Руслан Жақсылықов сұхбаттасын шілде айында Қазақстанның батысында «Бірлік» оқу-жаттығуының өткізілуі туралы хабардар етті. Әзірбайжан, Қырғызстан, Тәжікстан және Өзбекстан әскери контингенттері қарулы қақтығысты оқшаулауға және заңсыз құралымдарға қарсы іс-қимылға байланысты оқу-жауынгерлік міндеттерді бірлесіп пысықтайды.