Төрегелді Шарманов 25 мамырда қайтыс болды, деп хабарлады Асфендияров атындағы ҚазҰМУ өкілдері.
«Алматы декларациясының әкесі, әлемдік денсаулық сақтау саласының аңызы, қазақстандық медицинаның мақтанышы академик Төрегелді Шарманов қайтыс болды», — делінген хабарламада.
Төрегелді Шарманов әлеуметтік-гуманитарлық саладағы үздік жетістіктері мен денсаулық сақтау саласына қосқан зор үлесі үшін Еңбек Ері атағын иеленген. 12 жыл бойы республиканың денсаулық сақтау министрлігін басқарып, алғашқы медициналық-санитарлық көмектің теңдессіз жүйесін құрды.
2005 жылы академик Дүниежүзілік денсаулық сақтау ұйымының ең жоғары ерекшелік дәрежесі — Леон Бернар сыйлығына ие болды, оның иегерлері әлемде 29 адам ғана болды.