Украина президенті Владимир Зеленский 27 ақпанда Украина-Беларусь шекарасында өткен Украина мен Ресей арасындағы келіссөздерге қатысты пікір білдірді. Ол «кездесу нәтижесін аса сенбейтінін» атап өтті, — деп хабарлайды Кorrespondent.
Зеленскийдің сөзінше, екіжақты келіссөз нәтижелі болатынына сенбейді, бірақ әрекет етіп көру керегін айтады.
«Сөздің шынына келсек, сол баяғыдай: мен кездесуден нәтиже шығады деп ойламаймын, бірақ әрекет етіп көрсін. Артынан мен президент ретінде соғысты мүмкіндік болғанда тоқтатуға тырысқаныма Украинаның бірде-бір азаматының күмәні болмауы үшін», — дейді Украина басшысы.