Мыңдай адам Бородулиха ауданына барып, бірегей таспалы борды қалпына келтіруге күш салды. Акцияға облыс әкімі Нұрлан Оранхаев та қатысты.
— Бүгін елімізде кеңінен қолдау тапқан «Таза Қазақстан» экологиялық акциясы аясында біздің облыста маңызды оқиға өтіп жатыр. Осы бастаманың арқасында әрқайсысы
өңір өмір сүруге және демалуға қолайлы жағдай жасай отырып, қоршаған ортаны көгалдандыруға және безендіруге өз үлесін қосты. Бұл біздің еліміздің табиғи байлығын құрметтейтін және қорғайтын «атадан мал қалғанша, тал қалсын» деген игі дәстүріміздің жалғасы, — деді Нұрлан Оранхаев.
Бүгінгі күні барлығы 23 800 дана екі жылдық қарағай көшеттері отырғызылды.
Жалпы, «Семей орманы» резерватының аумағында «Таза Қазақстан» экологиялық акциясы басталғалы бері 70 мыңнан астам көшет отырғызылды.