Қазақстанда сәуір айының соңына жоспарланған машина жасаушылар форумы тоқтатылды, деп хабарлайды ҚР өнеркәсіп және құрылыс министрлігінің баспасөз қызметі.
«25-26 сәуірге жоспарланған Қазақстан машина жасаушыларының XII Форумы Қазақстандағы ауқымды су тасқынынан туындаған шұғыл жағдайға байланысты тоқтатылады және 2025 жылға ауыстырылады. ҚР Президентінің тапсырмасына сәйкес Министрлік зардап шеккендерге арналған тұрғын үйлерді қалпына келтіру шараларын үйлестіруге және іске асыруға жауапты орган болып тағайындалды», – делінген хабарламада.
Кеше Қазақстан президенті Қасым-Жомарт Тоқаев Қазақстанда бұрын-соңды болмаған су тасқынына және ауқымды қиратулардың салдарын жою және ел азаматтарына көмек көрсету үшін қаржы қаражатын үнемдеу қажеттілігіне байланысты «Астана» Халықаралық экономикалық форумын өткізуді тоқтатты.