Алматыдағы «Манхэттен» тұрғын үйінен секіріп қайтыс болған жүкті әйелдің көршісі оқиғаның мән-жайын айтып берді.
Әйелдің сөзіне қарағанда, бұл алғашқы суицд жағдайы емес. Соңғы бірнеше жылда кем дегенде төрт адам осы үйдің терезесінен секіріп кеткен.
Полиция қызметкерлері осы жерден күртеше мен сөмкені тапты. Бастапқыда көршілердің біреуі қалдырып кеткен шығар деп ойлағанмын. Көршілер жөндеу жұмыстарын жүргізіп жатыр деген ой келді. Бұл жерде әрі-бері жүре беретіндер көп: ішкіштер де, есірткі пайдаланатындар да. Осы жайтқа байланысты мемлекеттік органдарға талай рет шағымданғанбыз, — деді әйел.
Оның айтуынша, тәртіптің қадағаланбайтыны соншалық, тұрғындар балаларын көшеге жалғыз жіберуге қорқады екен.