Рудныйда мас ер адам спорт алаңында ойнап жүрген балаларға тиіскен, деп хабарлайды «Өзгеріс» ақпараттық-сараптамалық порталы жергілікті Наша Газета басылымына сілтеме жасап.
Оқиға кеше Ленин көшесі, 177-үй мекенжайы маңында болды.
12-13 жас шамасындағы жасөспірімдер футбол ойнап жүрген спорт алаңына мас ер адам кіріп, доп тебе бастаған.
— Олар кеткісі келген, бірақ ер адам балалардың бірін қуып жетіп, басынан тіземен теуіп, жұдырықпен ұрған. Миы шайқалған бала ауруханаға жатқызылды, қазір дәрігерлердің бақылауында, — деп хабарлады жасөспірімдердің ата-анасы.
Қостанай облыстық полиция департаментінің баспасөз қызметі оқиғаның мән-жайы анықталып жатқанын мәлім етті.