Ринат Рифхатұлы Заитовтың басшылығындағы «Алатау» дәстүрлі өнер театры 2016 жылдың 18 тамыз күні Алматы қаласының 1000 жылдығына, Тәуелсіздіктің 25 жылдығына орай ашылды. Театр Б. Момышұлы мен Т. Рысқұлов көшелерінің қиылысында орналасқан. Алатау ауданындағы дәстүрлі өнер театры көркем ғимаратымен ерекшеленеді. 724 орындық концерт залы бар. Нысан 2014 жылы Алматы қаласының индустриалды-экономикалық даму бағдарламасы негізінде бой көтерді. Мәдени орталықтың жалпы аумағы 2,034 га құрайды. 3 қабатты ғимараттың алаңы 11515,9 шаршы метр. «Алатау» дәстүрлі өнер театрында 154 орындық қызыл және 98 орындық көк залдан тұратын 2 кинозал бар. Мұнда отандық кинофильмдер, түрлі мультипликациялық топтамалар көрермендерге жол тартып отыр. Кәсіпорын қорында халқымыздың ұлттық қасиеттері мен тәлім-тәрбиесін насихаттайтын көркем және деректі фильмдер, шетелдік жаңа кинофильмдер көрсетіледі.
Театр сахнасында Ә. Бағдаттың «Жыр-Жолбарыс» қойылымы (2018 жыл), Қ. Мұраттың «Ғұрып» этно-композициялық қойылымы (2019 жыл), И. Сапарбайдың «Абай-Тоғжан» қойылымы (2020 жыл), М. Анарбектің «Мұқағалимен сырласу» поэтикалық кеші (2020), А. Беркімбайдың саяси қуғын-сүргін құрбандарын еске алу күніне арналған «Кез болған соң кер заман» атты музыкалық қойылым-концерті (2021 жыл), Ж. Жұманбай, А. Беркімбайдың «Қымызмұрындық» этно-фестивалі (2021 жыл), И. Оразбаевтың «Ән-Мұхит» дәстүрлі музыкалық драмасы (2021 жыл), Ж. Жұманбай, А. Беркімбайдың «Алтыбақан» ойын-сауық ән кеші (2021 жыл), К. Джиренбаеваның «Әсем әуен мен көркем қимыл» сазды би кеші (2022 жыл), Н. Тутовтың «Әгугай мен Игигай» атты халық ертегілері мен дәстүрлі әндерден құралған балаларға арналған музыкалық қойылымы (2022 жыл), М. Әуезовтің «Айман-Шолпан» музыкалық комедиясы және көптеген театрландырылған концерттік бағдарламалар қойылды. Аталған туындылардың барлығына тәжірибелік ізденістер жасалып, дәстүрлі өнер жаңа формада сахналанып келеді.
2021 жыл
20 наурыз – «Қыдырбектің қызықты күні немесе Алматы Наурызымен танысу» танымдық тележобасы
30 мамыр (Премьера) – «Кез болған кер заман» атты музыкалық қойылым-концерт
5-14 тамыз – «Абай күніне» орай «Құлақтан кіріп бойды алар, әсем әнмен тәтті күй» атты Абай әндерін орындаудан республикалық онлайн байқау
5-14 тамыз – «Абай күніне» орай «Абай жолы» атты балалар мен жасөспірімдер арасындағы Абай өлеңдерін оқудан республикалық онлайн байқау
14 қыркүйек– «Қобыз сарыны» республикалық 18 жасқа дейінгі прима-қобызшылар байқауы
V маусым ашылуы (Премьера) 6, 7 қазан, 8 қараша – «Ән-Мұхит» дәстүрлі музыкалық драмасы
11 қараша – «Сүлейлердің ізімен» жыр кеші
25 қараша – Қазақстанның Тәуелсіздігінің 30 жылдығына орай Түркияның Ыстамбұл қаласында Джемал Решит Рей Консер Салонунда «Алтыбақан» ойын-сауық ән кеші және т.б.
2022 жыл
15-16 ақпан (Премьера) – «Әгугай мен Игигай» атты халық ертегілері мен дәстүрлі әндерден құралған балаларға арналған музыкалық қойылым
18 наурыз – «Наурыз-Думан» ойын-сауық ән кеші
22 наурыз – Наурыз мейрамына арналған театрландырылған сахналық қойылым
31 наурыз (Премьера) – Әсем әуен мен көркем қимыл» сазды би кеші және т.б.
2021 жыл: 18 шара (қаңтар – мамыр).
2022 жыл: 30 шара (қаңтар – мамыр).
Өткен жылмен салыстырғанда: 166 %-ға өсті.
Қойылымдарға келушілердің саны:
2021 жыл – 729 көрермен (қаңтар-мамыр)
2022 жыл – 17 928 көрермен (қаңтар-мамыр)
Өткен жылмен салыстырғанда: 2460%-ға өсті.
«Балалар жылына» байланысты келген көрермендер саны: 4250, ақысыз кірген мүмкіндігі шектеулі балалар мен үздік оқушылар саны: 300
1 – маусым – Балаларды қорғау күніне орай Наурызбай және Алатау аудандарының мүмкіндігі шектеулі және жетім балаларына тегін көрсетілді (200 бала)
Карантин уақытында өткен онлайн іс-шаралардың саны мен барлық әлеуметтік желі бойынша аудитория қаралымын қосқанда: 1206479 (2021, қаңтар-мамыр)
Барлық әлеуметтік желіні қосқанда аудитория қаралымы: 232 500 (2022, қаңтар-мамыр)
Қуаныш Жұмабекұлы
«Алатау» дәстүрлі өнер театры Әдебиет бөлімінің меңгерушісі