Қазақ эстрадасының жұлдызы Қайрат Нұртас әзербайжандық танымал әнші Роза Зергерлидің хиті «İstedim» әнін қазақ тілінде орындап шықты, деп хабарлайды ozgeris.info.
Әннің түпнұсқасы, 45 жастағы Роза Зергерлидің орындауында, әзербайжан тыңдармандары арасында үлкен танымалдылыққа ие болған еді. Қайрат Нұртас осы әнге қазақша нұсқа жасап, оны Instagram парақшасында бөлісті. Бейнежазбада әнші жаңбыр астында ән шырқап тұрғаны көрінеді.
Посмотреть эту публикацию в Instagram
Желі қолданушылары бұл жаңа шығармашылық жұмысты жылы қабылдады. «Даусыңыз керемет», «Бұл ән Қайратқа жарасады екен», «Қазақша нұсқасын күтіп жүр едім», «Қайраттың орындауындағы кез келген ән хит болады», «Қайрат, сүлгі алып келейін», «Ән тамаша шыққан», «Классно, маған ұнады», — деп пікір қалдырды жанкүйерлер.
Әннің толық нұсқасы қашан шығады және тыңдармандар арасында қаншалықты танымал болатыны алдағы уақытта белгілі болмақ.