Желіде әйгілі күйші Дина Нұрпейісованың «Науысқы» күйін орындаған бейнежазбасы пайда болды, деп хабарлайды Ozgeris.info.
Дина Кенжеқызы Нұрпейісова — қазақтың әйгілі күйші композиторы, Қазақстанның халық әртісі.
Дина ата-ана шаңырағында бұлаңдап өскен жас кезінің өзінде ақ Дәулеткерей, Мүсірәлі, Әлікей, Түркеш, Ұзақ, Есжан, Байжұма, Баламайсаң сияқты күйшілердің күйін нәшіне келтіре тартып, төңірегі «домбырашы қыз» деп атаған. Қаршадай қыздың даңқын естіп, әйгілі Құрманғазы арнайы іздеп келген. Ол Динаның домбыра тартысына сүйсініп, болашағынан үлкен үміт күтіп, батасын берген. Осыдан кейін Динадан көз жазбай, үнемі айналып соғып, додалы күй айтыстарына ертіп барып, домбыра тартудың терең сырларын үйретеді. Дина тоғыз жасынан бастап он тоғыз жасына дейін, қашан ұзатылғанша Құрманғазының баулуында болады. Құрманғазыдай дәулескер күйшінің ұстаз болуы Динаның ғана бақытты болып қойған жоқ, исі қазақтың күй өнерінің бақыты болды.
@galiyamgk #динанурпеисова#науыскы#күйшідина#күй#домбыра#қазақстан🇰🇿#dinanurpeisova#nauysky#kui#traditionalmusic#dombra#kazakhstan🇰🇿 ♬ оригинальный звук — Galiya