Иордания астанасы Амман қаласында бокстан жастар мен жасөспірімдер арасында Азия чемпионаты өтіп жатыр. Бұл туралы Шымкент қаласы әкімдігінің баспасөз қызметі жазды, деп ozgeris.info тілшісі хабарлайды.
Құрлық біріншілігіне Шымкент қаласынан 3 спортшы қатысып, бәрі де жүлдегерлер қатарынан көрінген.
«Жасөспірімдер арасында Айдар Қадырхан (52 келі), Санжар-Али Бегалиев (66 келі) алтын медальға қол жеткізді. Бек Жолдасбек 50 келі салмақ дәрежесінде қола жүлдегер атанды»,– делінген хабарламада.