Шымкентте асырап алған балаларын қинаған емші ісіне қатысты сот нүкте қойды. Қазіргі уақытта оның әйелі тергелу үстінде. Бұл ақпаратты Шымкент қалалық ПД баспасөз қызметі растады, деп хабарлайды Ozgeris.info.
Айта кетейік, 6 баланы қорлаған Ұ.Смановтың әйелінің үстінен Қылмыстық кодекстің 140-бабы бойынша іс қозғалған.
«Аталған факті бойынша жергілікті тұрғынның әйеліне қатысты кәмелетке толмаған баланы тәрбиелеу жөніндегі міндеттерді орындамағаны үшін қылмыстық іс қозғалғанын хабарлаймыз. Қазіргі уақытта тергеу амалдары жүргізіліп жатыр», — делінген ПД хабарламасында.
Айта кетейік, бұған дейін Шымкентте жергілікті емшінің 6 баланы асырап алып, оларға ит пен мысықтың етін беріп, үш жылдан бері азаптап келгенін жазғанбыз.