Түркістан білім және инновация лицейінің оқушысы Ислам Абдурахманов әлемнің 40 университетінен оқуға шақырту алды. Ол БАӘ, АҚШ, Англия, Польша, Малайзия және Швейцария елдерінің кез келген жоғары оқу орындарында студент бола алады, деп хабарлайды ҚР Білім министрлігінің баспасөз қызметі.
Ислам жетінші сыныптан бастап түрлі сайыстарға белсене қатысып, жоғары білім деңгейін көрсетті. 11-сыныпта Ислам алты елдің 40-тан астам университетінен оқуға шақырту алды.
Ислам Абдурахманов Хьюстон қаласындағы Солтүстік Америка университетінде (NAU) жоғары білім алуды ұйғарды, Техас, АҚШ. Шетелде диплом алып, Қазақстанға оралуды жоспарлап отыр.