«2025 жылғы қаңтарда Қазақстандағы инфляция жеделдеді: жылдық көрсеткіш 8,9% (2024 жылғы желтоқсанда – 8,6%), айлық көрсеткіш – 1,1% (бұрынғы айда – 0,9%)», — делінген бюро хабарламасында.
Берілген мәліметтер бойынша, қызметтер жыл бойы 13,8%-ға, тауарлар – 8,4%-ға, азық-түлік өнімдері – 5,8%-ға қымбаттаған. 2024 жылдың қаңтарымен салыстырғанда, су тарифтері 43,2%-ға, кәріз – 26,1%-ға, орталықтандырылған жылыту – 23,1%-ға, ыстық су – 21,3%-ға, электр энергиясы – 18,9%-ға, газ, тарату желілері бойынша – 12%-ға, қалдықтарды шығару – 10,3%-ға өскен.
Сонымен қатар, картоп бағасы 59,3%-ға, пияз – 25,1%-ға, минералды және ауыз суы – 16,7%-ға, темекі өнімдері – 14,6%-ға, кондитерлік өнімдер – 13,3%-ға, сары май – 13%-ға, салқындатылған сусындар – 12,3%-ға, өңделген және консервіленген балық – 11,9%-ға, жеміс-жидек және көкөніс шырындары – 11%-ға қымбаттаған. Ал, күріш бағасы 21,6%-ға, сәбіз – 5,3%-ға арзандаған.