«Астана» велокомандасының бас менеджері, олимпиада чемпионы Александр Винокуров депутат Мұрат Әбеновтың клубты қаржыландыруға қатысты сынына жауап берді, деп хабарлайды Ozgeris.info.
Бұған дейін Мәжіліс депутаты «Астана» велокомандасының легионерлерін қаржыландыру туралы айтқан болатын. Атап айтқанда, бұрынғы білім және ғылым вице-министрі клуб Қазақстанның халықаралық аренадағы имиджін жақсартпайтынын, ал оған жұмсалатын шығын 30 миллиард теңгеден асатынын атап өтті.
«Депутат Әбеновтің сыны бізге түсінікті. Біз барлығымыз балалар спортын дамыту үшін мемлекеттік салымдарды қысқарту қажеттігін түсінеміз. Соңғы бірнеше жылда біздің алдымызға тұрақты түрде мемлекеттік бюджетке түсетін қаржылық жүктемені азайту және елдегі балалар мен жасөспірімдер спортын дамытуға кәсіби спорттан ресурстарды одан әрі шоғырландыру мақсатында жаңа демеушілерді іздеу міндеті қойылды.
Менің ойымша, әрине, мұндай вектор өте дұрыс және егер дағдарыс жағдайында таңдау қажет болса, балаға арқа сүйеген дұрыс. Сонымен қатар, команда 20 жылдан бері біздің еліміздің Еуропадағы және бүкіл әлемдегі визит карточкасы болып табылады. Үздік жылдары ол Қазақстанға әлемдік спортта өзін жария етуге көмектесті, чемпиондардың бірнеше буынын өсірді және біз бұрынғысынша ұлттық азиялық рейтингте көш бастап келеміз.
Менің олимпиадалық медалім де жоғары деңгейдегі жарыс тәжірибесінсіз мүмкін болмас еді. Яғни, команда үлкен мұра қалдырып, қазақстандық велоспортқа айтарлықтай серпін берді. Оны жай ғана жабу өкінішті болды. Сондықтан клуб менеджменті ірі инвестор туралы мәселені бірнеше жылдан бері пысықтап келеді, біз шынымен де команданы жаңа деңгейге шығарып, бюджет тапшылығын толтыра алатын үлкен демеушіні іздедік», — деп сынға түсінік берді Александр Винокуров.