Ақтау маңындағы ұшақ апатынан аман қалған Қырғыз Республикасының азаматы болған оқиғаны айтып берді, деп хабарлайды Ulysmedia.kz.
Журналистерге берген сұхбатында Қырғыз азаматы болған оқиғаны былай сипаттап берді.
– Ұшып келе жатқанда Каспий теңізінің жиегі көрінді. Пилоттар әуежайға жақындауға әрекет қылды. Біраз жетпей қалдық. Қатты соққы болды. Қандай сәтте құтқарушылар келіп қалғанын білмедік, өйткені есімнен танып қалыппын. Белдікті шешіп, суырып алып шықты. Ұшақ аударылып жатыр екен. Қарасам, жарандар тұр. “Кімсіңдер?” деп сұрасақ, “Қазақстан, қазақпыз” деді. Жылап жібердік, – дейді қырғыз азаматы.